वीरगंज महानगरपालिकामा गार्डियन माइक्रो लाइफको बीमा दर्ता कार्यक्रम सम्पन्न
काठमाडौं । वीरगंज महानगरपालिकाले आम नागरिकलार्ई बीमा सम्बन्धि जनचेतना अभिवद्धि गर्दै आएको छ । स्थानीय सरकारले आफ्ना नागरिकलाई बीमाको महत्वको बारेमा जानकारी दिने उदेश्यले विभिन्न कार्यक्रम गरिरहेको छ ।
यसैक्रममा महानगरपालिकाको वडा नम्बर २६ ले गार्डियन माइक्रो लाइफ इन्स्योरेन्ससँग सम्वनय गरी बीमा दर्ता कार्यक्रम आयोजना गरेको छ । कम्पनीले वडा स्तरीय २० देखि ३५ वर्षका युवाको बीमा दर्ता गरी उक्त कार्यक्रम सम्पन्न गरेको जनाएको छ ।
बीमा दर्ताको लागि उमेर खुलेको कागजात जस्तैः जन्मदर्ता, नागरिकता, चालक अनुमतिपत्र, राष्ट्रिय परिचयपत्र, पासपोर्ट तथा मतदानपत्र लगायतका परिचयपत्र आवश्यक रहेको कम्पनीले जनाएको छ । बीमा दर्ताको लागि मोबाइल नम्बर, इच्छाएको व्यक्तिको नाम र इच्छाएको व्यक्तिसँगको नाता लगायतका विवरण आवश्यक रहेको छ ।
