विन नेपाल लघुवित्तले खुलायो रोजगारको अवसर, के–के चाहिन्छ योग्यता ?
काठमाडौं । विन नेपाल लघुवित्त वित्तीय संस्थाले प्रमुख कार्यकारी अधिकृतको व्यवस्थापकीय श्रेणीमा रोजगारको अवसर खुलाएको छ ।
यसका लागि मान्यता प्राप्त शिक्षण संस्थाबाट चार्टर्ड एकाउण्टेन्सी वा व्यवस्थापन, बैंकिङ, वित्तीय, मौद्रिक, अर्थशास्त्र, गणितशास्त्र, व्यापार प्रशासन, जन प्रशासन वा कानुन विषयमा स्नातकोत्तर गरेको र बैंक तथा वित्तीय संस्थाको व्यवस्थापकीय श्रेणीमा ५ वर्षदेखि ७ वर्षसम्मको कार्यानुभव भएको हुनुपर्ने छ ।
साथै, लघुवित्त वित्तीय संस्थाको प्रमुख कार्यकारी अधिकृत तथा नायव प्रमुख कार्यकारी अधिकृत पदमा कार्यअनुभव भएको व्यक्तिलाई विशेष प्राथमिकता दिइने छ । उमेरको हदमा भने ३५ वर्ष पुरा भई ६० ननाघेको हुनुपर्नेछ ।
आवेदन दिन योग्य तथा इच्छुक जो–कोहीले आवश्यक कागजातसहित कम्पनीको केन्द्रीय कार्यालय बनेपा–१३ काभ्रेपलाञ्चोक वा इमेल [email protected] वा [email protected] मा पेश गर्न सकिने कम्पनीले जनाएको छ ।
