एशियन लाइफको प्रदेश स्तरीय अभिकर्ता सम्मान तथा प्रशिक्षण कार्यक्रम सुरु
काठमाडौं। एशियन लाइफ इन्स्योरेन्सको प्रदेश स्तरिय अभिकर्ता सम्मान तथा प्रशिक्षण कार्यक्रम शुक्रबार देखि बिर्तामोडमा शुरु भएको छ।
दुई दिन सम्म सन्चालन हुने कार्यक्रममा कोशी प्रदेशका दुई सयभन्दा बढी अभिकर्ताको सहभागिता रहेको छ। सहभागिहरुलाई प्रशिक्षक मीन घलेले बीमा बिक्री कला र वित्तीय सल्लाहकारको भूमिका सम्बन्धमा प्रशिक्षण दिएको थियो ।
कार्यक्रमको उद्घाटन प्रमुख अतिथि सञ्चालक समिति अध्यक्ष दिपक कुमार श्रेष्ठले गरेका थिए । कार्यक्रममा प्रमुख कार्यकारी अधिकृत दिनेशलाल श्रेष्ठ, डेप्युटी मार्केटिङ हेड विजय पराजुली, प्रदेश प्रमुख रितु प्रधानका साथै कोशी प्रदेश अन्तर्गतका शाखा उपशाखा प्रमुखहरुको समेत सहभागीता रहेको छ।
