एक्सेल डेभलपमेन्ट बैंकको संस्थापक शेयर बिक्रीमा, प्रतिकित्ता कति ?
![](https://www.beemapost.com/wp-content/uploads/2023/08/Excel-development-bank.jpg)
काठमाडौं । एक्सेल डेभलपमेन्ट बैंकले संस्थापक शेयरधनी चेत प्रसाद भट्टराईको नाममा रहेको १६ हजार २७५ कित्ता संस्थापक शेयर बिक्रीमा ल्याएको छ ।
उक्त संस्थापक शेयर खरिद गर्ने पहिलो हक विद्यमान शेयरधनीहरुलाई रहेकोमा तोकिएको समयावधिभित्र शेयरधनीहरुबाट कुनै आवेदन नआएपछि शेयर अन्य व्यक्ति वा संस्थालाई बिक्री गर्न लागिएको हो ।
सो शेयर खरिद गर्न इच्छुक जो–कोहीले प्रतिकित्ता २०० का दरले सूचना प्रकाशित मितिले १५ दिनभित्र आवश्यक कागजात सहित बैंकको केन्द्रीय कार्यालय बिर्तामोड झापामा खरिद गर्न चाहेको विवरण खुलाई निवेदन दिन सकिनेछ ।