सन नेपाल लाइफको आइपीओमा पौने २ अर्ब रुपैयाँको आवेदन
काठमाडौं । सन नेपाल लाइफको आइपीओमा १ अर्ब ९३ करोड ७५ लाख ५६ हजार २७० रुपैयाँ बराबरको आवेदन परेको छ ।
सीडीएसका अनुसार आज ख साँझम्ममा ६ लाख ९८ हजार ६०९ जना सर्वसाधारण आवेदकहरुले ८१ लाख ६ हजार ९३० कित्ताका लागि आवेदन दिएका छन् ।
यो सर्वसाधारणका लागि छुट्टाइएको ७६ लाख ८० हजार कित्ता सेयर भन्दा १।०६ गुणा बढी आवेदन हो ।सर्वसाधारण लगानीकर्ताले यसमा भदौ ४ गतेसम्म आवेदन दिन सक्नेछन् । कम्पनीले हिजो देखि सर्वसाधारणलाई प्रिमियम भाउमा आइपीओ बिक्री खुला गरेको हो ।
कम्पनीले आफ्नो जारी पुँजी ३ अर्ब २० करोड रुपैयाँको ३० प्रतिशत ले हुन आउने ९६ करोड रुपैयाँ बराबरको आइपीओ बिक्री खुला गरेको हो । यसले प्रतिकित्ता १३९ रुपैयाँ प्रिमियम थप गरेर २३९ रुपैयाँ दरमा ९६ लाख कित्ता आइपीओ सर्वसाधारणलाई निष्कासन गरेको छ ।
