जीवन बीमा कम्पनीलाई दाबी फर्छ्यौट सहज बनाउन प्राधिकरणले दियो यस्तो निर्देशन, साउन १ गतेदेखि अनिवार्य लागू गर्नुपर्ने
काठमाडौं । साउनदेखि लागू हुने गरी अनिवार्य रुपमा शाखालाई अधिकार प्रत्यायोजन गर्न निर्देशन दिएको छ। बीमा प्राधिकरणले दाबी फर्छ्यौट सहज बनाउन र बीमा प्रतिको विश्वसनीयता बढाउनका लागि दाबी फर्छ्यौटको अख्तियारी शाखा र प्रादेशिक कार्यालयलाई समेत प्रत्यायोजन गर्न निर्देशन दिएको बिषयमा पत्रमा उल्लेख रहेको छ।
प्राधिकरणले बीमामा आम विश्वास बढाउन बीमा लदाबी फर्छ्यौटको अख्तियारी शाखा र प्रादेशिक कार्यालयलाई समेत प्रत्यायोजन गर्न निर्देशन दिएको छ। प्राधिकरण्का अध्यक्ष सूर्यप्रसाद सिलवालले एक कार्याक्रममा शाखा कार्यालयबाटै दाबी भुक्तानीको व्यवस्था मिलाउन बीमा कम्पनीहरुलाई निर्देशन समेत दिएका थिए ।
बीमा कम्पनीहरुले साना बीमा दाबी भुक्तानीका लागि न्यूनतम कति कागजात चाहिन्छ, त्यसको यकीन गरी छिटो दाबी भुक्तानी दिनुपर्ने र त्यसका बारेमा सार्वजनिक रुपमा जानकारी गराउनुपर्ने बिषय उक्त पत्रमा उल्लेख रहेको छ।
बीमितले विश्वास गरेजस्तै कम्पनीले पनि बीमितलाई विश्वास गर्नुपर्छ । दाबी भुक्तानी छिटो दिएर बीमाप्रतिको अविश्वासलाई विस्तारै विश्वासमा बदल्नुपर्छ । बीमा व्यवसाय बढाउने बाटोमा अगाडि बढ्नुपर्ने भन्दै यस्तो निर्देशन दिएको प्राधिकरणले जनाएको छ।
समयमै बीमा दाबी भुक्तानी पाउँदा बीमितमा जति खुशी हुन्छ, ढिलो हुँदा त्यति हुँदैन भन्दै उनले छिटो छरितो माध्यमबाट बीमा दाबी भुक्तानी दिन बीमा कम्पनीहरुलाई निर्देशन दिएको प्राधिकरणले जनाएको छ ।
