प्रभु लाइफकी अध्यक्ष शिक्षा भट्टचनले लिइन् पद तथा गोपनियताको शपथ
काठमाडौं । प्रभु लाइफ इन्स्योरेन्स लिमिटेडको सञ्चालक समितिकी अध्यक्ष शिक्षा भट्टचनले नियमनकारी निकाय नेपाल बीमा प्राधिकरणका अध्यक्ष सूर्य प्रसाद सिलवालबाट पद तथा गोपनियताको शपथ ग्रहण गरेकी छिन् । आज मंगलबार बीमा प्राधिकरणको कार्यालयमा अध्यक्ष भट्टचनले पद तथा गोपनियताको शपथ ग्रहण गरेकी हुन् ।
नेपाल बीमा प्राधिकरणको कार्यालयमा भएको सपथ ग्रहण समारोहमा नेपाल बीमा प्राधिकरणका अध्यक्ष सूर्य प्रसाद सिलवाल, कार्यकारी निर्देशक राजु रमण पौडेल, प्रभु लाइफ इन्स्योरेन्सका प्रमुख कार्यकारी अधिकृत सन्तोष प्रसाई, नायव प्रमुख कार्यकारी अधिकृत किशोर प्रसाद लामिछाने लगायतको उपस्थिति रहेको थियो ।
प्रभु लाइफ इन्स्योरेन्स लिमिटेडको सञ्चालक समितिको यहि जेठ २६ गते शुक्रबार बसेको कम्पनीको पाँचौं वार्षिक साधारण सभाबाट संस्थापक समूहका शेयरधनीका तर्फबाट शिक्षा भट्टचन लगायत मिजास भट्टचन, श्याम कृष्ण श्रेष्ठ र सुसन शेरचनलाई सञ्चालक समिति सदस्यमा निर्विरोध निर्वाचित भएका थिए ।
पाँचौं वार्षिक साधारण सभा पश्चात यही जेठ २८ गते आइतबार बसेको सञ्चालक समितिको बैठकले सर्वसम्मतरुपमा सञ्चालक समिति अध्यक्षमा शिक्षा भट्टचनलाई चयन गरेको हो ।
