तोलामै १७ सय रुपैयाँले घट्यो सुनको मूल्य, कतिमा हुदैछ आजको कारोबार ?
काठमाडौं । साता कारोबारको पहिलो दिन अर्थात आइतबार सुनचाँदीको मूल्य घटेको छ । आज नेपाली बजारमा सुनको मूल्य तोलामा १७ सय रुपैयाँ र चाँदीको मूल्य प्रतितोला २० रुपैयाँले घटेको छ ।
नेपाल सुनचाँदी व्यवसायी महासंघका अनुसार आज छापावालाको सुनको मूल्य तोलामा एक हजार सात सय रुपैयाँले घटेर १ लाख ११ हजार ६ सय रुपैयाँ र तेजावी सुनको मूल्य १ लाख ११ हजार ५० रुपैयाँ कायम भएको छ ।
कारोबारको अघिल्लो दिन (शुक्रबार) छापावालाको सुनको मूल्य तोलामा आठ सय रुपैयाँले बढेर १ लाख १३ हजार ३ सय रुपैयाँ र तेजावी सुनको मूल्य १ लाख १२ हजार ७५० रुपैयाँ कायम भएको थियो ।
शुक्रबारको दिन १ हजार ४३५ रुपैयाँमा कारोबार भएको चाँदी तोलामा २० रुपैयाँले घटेर प्रति तोला १ हजार ४१५ रुपैयाँमा कारोबार भइरहेको छ ।
