आइएमई लाइफ इन्स्योरेन्सको ‘आइएमई लिडर्स रिफ्रेसमेन्ट एण्ड ट्रेनिङ प्रोगाम सम्पन्न (फोटोफिचरसहित)
काठमाडौं । आइएमई लाइफ इन्स्योरेन्स कम्पनीको ‘आइएमई लिडर्स रिफ्रेसमेन्ट एण्ड ट्रेनिङ प्रोग्राम’ सम्पन्न भएको छ । कम्पनीका सिनियर एजेन्सी म्यानेजर राम कुमार बिसुन्केले आयोजना गरेको उक्त कार्यक्रम स्टार फुड ल्याण्ड कुलेश्वर, काठमाडौंमा सम्पन्न भएको हो ।
उक्त कार्यक्रममा प्रमुख अतिथिका रुपमा आइएमई लाइफ इन्स्योरेन्स बागमति प्रदेश प्रमुख चन्द्र प्रदिप भट्टराई, गोङ्गबु एरिया प्रमुख सुनिल अधिकारी, चिफ एजेन्सी म्यानेजर गोविन्द जोशी, एजेन्सी म्यानेजर विकास श्रेष्ठ, हरि बि.सि. लगायत ३० जनाको सहभागिता रहेको थियो ।
आइएमई लिडर्सहरुले एकआपसमा फेलोशिप कार्यक्रमका साथै बीमाको महत्वको बारेमा छलफल गरेका थिए । कार्यक्रममा गोंगबु एरिया प्रमुख सुनिल अधिकारीले बीमाको महत्व र अभिकर्ता पेशाको बारेमा तालिम दिएका थिए भने बागमती प्रदेश प्रमुख चन्द्र प्रदिप भट्टराईले बीमाको बारेमा मोटिभेसनल स्पीच दिएका थिए ।
साथै सो कार्यक्रममा सहभागी आइएमई लाइफका लिडर्सहरुलाई खादासहित सम्मान गरिएको थियो । सोही कार्यक्रममा रासी गैरेले नृत्य समेत प्रस्तुत गरेकी थिइन् ।
फोटोफिचर
