सामान्य अंकले घट्यो नेप्से, चार उपसूचमा हरियाली छाउँदा लघुवित्त उपसूचकमा सर्वाधिक गिरावट
काठमाडौं । साता कारोबारको अन्तिम दिन शेयरबजारमा सामान्य अंकको गिरावट आएको छ । नेप्से सूचक आज ५.३२ अंकले घटेर १९३३ विन्दु्मा कायम भएको छ ।
सूचीकृत २५८ कम्पनीको ३४ लाख २ हजार २६७ कित्ता शेयर खरिदबिक्री हुँदा एक अर्ब १४ करोड १४ लाख रुपैयाँमाथिको कारोबार भएको छ ।
नेप्सेमा रहेका १३ उपसूचकमध्ये आज ४ वटा उपसूचकमा हरियाली छाएको छ भने बाँकी ९ वटा उपसूचकम राताम्य रहेका छन् । सर्वाधिक आज ब्यापार उपसूचक १.४१ प्रतिशतले बढेको छ भने सर्वााधिक माइक्रोफाइनान्स इन्डेक्स ०.९० प्रतिशतले घटेको छ ।
