रोट्रयाक्ट क्लब अफ पर्वत पोखराद्वारा विद्यार्थीलाई पोषाक वितरण
काठमाडौं । रोट्रयाक्ट क्लब अफ पर्वत पोखराले ३२ जना विद्यार्थीहरुलाई पोषाक वितरण गरेको छ । क्लबले आफ्नो सिग्नेचर प्रोजेक्ट अन्तर्गत ‘प्रयास न्यानो जिन्दगीको’ अभियानसहित उक्त पोषाक वितरण गरेको हो ।
मिनाङ्गकोट वालिङ्ग–५ स्थित श्री सरस्वती आधारभूत विद्यालयका ३२ जना गरिब तथा जेहेन्दार विद्यार्थीहरुलाई पोषाक वितरण गरेको क्लबका अध्यक्ष सन्तोष क्षेत्रीले बताए ।
क्लबकी सचिव यसोधा रानाले संचालन गरेको उक्त कार्यक्रममा प्रमुख अतिथिका रुपमा विद्यालय व्यवस्थापन समितिका अध्यक्ष श्याम बहादुर खड्का, अतिथिमा विद्यालयका प्राचार्य खुम प्रसाद रेग्मी र वडा नं. ५ का वडा सचिव डोलजन गुरुङ्ग रहेका थिए ।
कार्यक्रमको स्वागत मन्तब्य क्लबकी क्लब एडमिन चेयर अनिता सोतीले राखेकी थिइन् भने धन्यवाद मन्तव्य क्लबकी गरिमा थापाले दिएकी थिइन् ।
३२ मध्ये दयनिय आर्थिक अवस्था भएका १७ जना विद्यार्थीहरुलाई सिलाई खर्चको समेत उपलब्ध गराइने क्लबका अध्यक्ष सन्तोष क्षेत्रीले बताए । सो कार्यक्रममा क्लबका मेम्बरसहित विद्यालयका शिक्षक, शिक्षिका तथा गाँउपालिका भित्रका स्थानीय बासिन्दा वा अभिभावकहरुको सहभागिता रहेको थियो ।
