एनसीसी बैंकको कोहलपुर शाखा प्रमुख पाण्डेको कोरोनाबाट निधन
काठमाडौं । बैंकिङ क्षेत्रमा निकै मेहनत गर्दै अघि बढिरहेका एनसीसी बैंकको बाँकेस्थित कोहलपुर शाखाका प्रमुख राजु पाण्डेको कोरोना भाइरसको संक्रमणबाट निधन भएको छ ।
तिलोत्तमा–९, बुटवल निवासी पाण्डेले एनसीसी बैंकमा उत्कृष्ट कार्य गर्दै आइरहेको बेला यही जेठको पहिलो साता कोरोना भाइरसको संक्रमण भएको थियो ।
पछिल्लो समय बैंक तथा बीमा कम्पनीमा कार्यरत कर्मचारीहरुलाई कोरोना संक्रमण बढ्दो छ । अत्यावश्यक सेवा अन्तर्गत सञ्चालित बैंकमा सर्वसाधारणलाई सेवा प्रवाह गर्न खटिएका पाण्डेको कोरोना संक्रमणबाट निधन भएपछि सो बैंकको कोहलपुर शाखा स्तब्ध बनेको छ ।
One thought on “एनसीसी बैंकको कोहलपुर शाखा प्रमुख पाण्डेको कोरोनाबाट निधन”
पाठक प्रतिक्रिया :
हार्दिक श्रद्धाञ्जली !!