नेशनल माइक्रोफाइनान्स लघुवित्तको विशेष साधारण सभा भोलि
काठमाडौं । नेशनल माइक्रोफाइनान्स लघुवित्तको विशेष साधारण सभा जेठ २५ गते (मंगलबार) आह्वान गरेको छ। संस्थाको केन्द्रिय कार्यालय धादिङमा भर्चुअल माध्यमबाट बिहान ११ बजे सुरु हुने जनाएको छ।
सभाले महिला सहयात्रा लघुवित्तलाई प्राप्ति गर्ने सम्बन्धी प्रस्ताव पारित गर्ने भएको छ । सभाले १००ः६८ सेयर स्वाप रेसियो अर्थात् महिला सहयात्राको १०० कित्ता सेयर बराबर नेशनल माइक्रोफाइनान्सको ६८ कित्ता कायम गर्ने गरी प्राप्ति गर्ने कार्यलाई अन्तिम स्वीकृति प्रदान गर्ने भएको छ।
संस्थाले सभा प्रयोजनका लागि जेठ १७ गते बुक क्लोज गरेको छ । त्यसैले, जेठ १६ गतेसम्म कायम शेयरधनीहरु मात्र सभामा भाग लिन पाउनेछन्।
