बीमाकर्मीहरुबीच अन्तरक्रिया कार्यक्रम सम्पन्न, बीमा सेवामा विश्वसनियता बढाउन सचेतना कार्यक्रम गर्नुपर्नेमा जोड
काठमाडौं । नेपाल बीमा प्राधिकरण र लुम्बिनी क्षेत्रमा संचालित जीवन तथा निर्जीवन बीमा कम्पनीमा कार्यरत बीमाकर्मीहरुबीच अन्तरक्रिया कार्यक्रम सम्पन्न भएको छ । नेपाल इन्स्योरेन्स प्रोफेशनल्स सोसाइटी (निप्स), लुम्विनी च्याप्टरको आयोजनामा फागुन १२ गते टाइगर प्यालेस रिसोर्ट, कोटिहवा रुपन्देहीमा सो कार्यक्रम सम्पन्न भएको हो ।
नेपाल बीमा प्राधिकरणका अध्यक्ष सुर्य प्रसाद सिलवालको प्रमुख आतिथ्यतामा सम्पन्न अन्तक्रिया कायक्रममा लुम्विनी क्षेत्रमा कार्यरत जीवन तथा निर्जीवन बीमा कम्पनीमा कार्यरत ५० जना शाखा प्रमुख, क्षेत्रीय प्रमुख तथा प्रदेश प्रमुखहरुको सहभागीता रहेको थियो ।
बीमाकर्मीहरुको ज्ञान, सीप र क्षमता अभिवृद्धि गर्ने हेतुले आयोजित उक्त अन्र्तक्रिया कार्यक्रममा नेपाल बीमा प्राधिकरणका कार्यकारी निर्देशक राजु रमण पौडेल, निर्देशक पुजन ढुङ्गेल अधिकारी, उप निर्देशक तथा लुम्बिनी प्रदेश प्रमुख पुर्ण बहादुर थापा, शिखर इन्स्योरेन्स कम्पनी लिमिटेडका प्रमुख कार्यकारी अधिकृत दिप प्रकाश पाण्डे, नेको इन्स्योरेन्स लिमिटेडका प्रमुख कार्यकारी अधिकृत अशोक खड्का तथा आइएमई लाईफ इन्स्योरेन्स लिमिटेडका प्रमुख कार्यकारी अधिकृत कवि फुयांल लगायतको उपस्थिती रहेको थियो ।
नेपाल बीमा प्राधिकरणका अध्यक्ष सिलवालले कार्यक्रममा बोल्दै बीमा सेवामा विश्वसनियता अभिवृद्धि गर्न बीमाकर्मीहरुले ग्राहक तथा आम जनसमुदायमा सचेतना कार्यक्रम तथा स्वस्थ प्रतिस्पर्धात्मक वातावरण सिर्जना गर्न भुमिका निर्वाह गनुपर्ने बताएका थिए । कार्यक्रमको अध्यक्षता निप्स लुम्बिनी च्याप्टरका अध्यक्ष किरण काफ्लेले गरेका थिए ।
कार्यक्रमको स्वागत मन्तव्य निप्स लुम्बिनी च्याप्टरका सल्लाहकार रमेश बहादुर थापाले राखेका थिए । कार्यक्रमको संचालन तथा संयोजकको भुमिका निप्स लुम्बिनी च्याप्टरका कार्य समिती सदस्य बिक्रम कंडेलले गरेका थिए ।
