राष्ट्रिय बीमा संस्थानको जीवन बीमा अभिकर्ताको तालिम सम्पन्न
काठमाडौं । राष्ट्रिय बीमा संस्थानले जीवन बीमा सम्बन्धी अभिकर्ता तालिम सम्पन्न परेको छ । कम्पनीको जनकपुर शाखाले माघ २६ गतेदेखि २८ गतेसम्म ३ दिने तालिम प्रदान गरेको हो ।
बजार व्यस्थापन विभागका सहायक व्यवस्थापक सुजित प्रसाद शाहको विशेष उपस्थितिमा आयोजित कार्यक्रममा उल्लेखनीय रुपमा सहभागिता रहेको थियो ।
तालिम सम्पन्न पश्चात नेपाल बीमा प्राधिकरणले तोकेको मापदण्ड अनुसार परीक्षा संचालन गरिएको थियो। तालिमको संयोजक जनकपुर शाखा कार्यालयका प्रमुख निसा राय तथा कर्मचारी सन्तोष कुमार शाहले सहजीकरण गरेका थिए ।
तालिम पश्चात भावी अभिकर्ताहरु बीमा संस्थान सरकारी स्वामित्व र विश्वसनीय भएकोले बीमा गराउन सहज हुने प्रतिबद्धता गरेका थिए । साथै राष्ट्रिय बीमा संस्थानले अरु शाखा कार्यालयमा पनि तालिम कार्यक्रम राखेको हुनाले इच्छुक व्यक्तिले तालिममा सहभागी हुन् सक्नेछ ।
