सिटिजन लाइफ इन्स्योरेन्सकि जस्मीन पुरी १७ बर्षकै उमेरमा बनिन एमडिआरटी
काठमाडौं । सिटिजन लाइफ इन्स्योरेन्सकी एजेन्सी म्यानेजर जस्मीन पुरी १७ वर्षको उमेरमा एमडिआरटीमा छनोट हुन सफल भएकी छिन् । कम्पनीको भैरहवा क्षेत्र अन्तरर्गत परासी शाखाकी एजेन्सी म्यानेजर जस्मीन पुरी एमडिआरटी २०२३’ को लागि योग्य भएकी हुन् ।
जस्मीन पुरीले छोटो समयमै आफ्नो ब्यबसायिक लक्ष्य हासिल गरेका हुन् । उनी अहिले १२ कक्षामा अध्ययनरत छात्रा पनि हुन । सानै देखि अत्यन्तै मिहेनती, लगनशिल र नम्र स्वभावकी जस्मिन पुरी मिहेनत गरे के हुदैन र भन्ने कुराकी उदारणिय पात्र पनि हुन । विद्यार्थी काल देखिनै जीवन बिमामा लागेर पढ्दै र कमाउदै गर्न सकिन्छ भन्ने कुराको दरिलो उदाहरण उनी बनेकी छन् ।
अभिकर्ताहरुको लागी सम्मानको रुपमा हेरिने मिलियन डलर राउण्ड टेबल, एमडिआरटिलाई प्रतिष्ठाको रुपमा लिईन्छ । १९२७ मा स्थापित संस्थाको मुख्य कार्यालय अमेरिकामा छ । बिश्वभरीका पेसेबर अभिकर्ताहरुले बर्षभरी बीमा ब्यबसायबाट प्राप्त प्रथम बीमा शुल्क तथा आर्जित कमिसनको आधारमा एमडिआरटि छनौट हुन्छ । छनौट पस्चात अन्तराष्ट्रिय मञ्चमा नेपाल प्रतिनिधि भई उपस्थित हुन पाईने भएकाले पनि थप उत्साह बढेको पाईन्छ ।
