७० जना बिद्यार्थीमाझ आइएमई लाइफको बीमा साक्षरता कार्यक्रम
काठमाडौं । आइएमई लाइफ इन्स्योरेन्स कम्पनीको तुलसीपुुर दाङ शाखाले बीमा साक्षरता कार्यक्रम सम्पन्न गरेको छ । कम्पनीले मेट्रो कलेज तुलसीपुर, दाङमा शनिवारको दिन सो कार्यक्रम सम्पन्न गरेको हो ।
कम्पनीले ७० जना विद्यार्थीमाझ बीमाको महत्व र बीमा क्षेत्रको बारेमा जनचेतना फैलाउने उदेश्यका साथ कार्यक्रम आयोजना गरेको हो । उक्त कार्यक्रमबाट प्रभावित भई १५ जना भन्दा बढी विद्यार्थी कम्पनीको सम्पर्कमा रहेको र उनीहरु बीमा क्षेत्रप्रति सकरात्मक रहेको तुलसीपुर दाङ शाखाका चिफ एजेन्सी म्यानेजर किरन पुनले बताए ।
तुलसीपुर दाङ शाखाका चिफ एजेन्सी म्यानेजर किरन पुन र ब्रान्च म्यानेजर हिमाल खड्काले उक्त बीमा जनचेतनामूलक कार्यक्रममा विद्यार्थीहरुलाई बीमा सम्बन्धी जानकारी दिएका थिए ।
बीमा क्षेत्रको बारेमा आम जनसमुदायलाई जानकारी दिलाउनु, बीमा गर्न प्रोत्साहन गर्नु तथा बीमाको महत्वबारे जानकारी गराउनु नै यस कार्यक्रमको प्रमुख उदेश्य रहेको दाङ शाखा प्रमुख खड्काले बताए ।
