शिखर इन्स्योरेन्सको साताव्यापी रक्तदान कार्यक्रम, बुटवलमा र दाङ्गमा २५० युनिट रगत संकलन
काठमाडौं । साताव्यापी रक्तदान कार्यक्रमको अयोाजना गर्दै शिखर इन्स्योेरेन्स कम्पनीले आफ्नो स्थापना दिवस मनाउदै छ । कम्पनीले स्थापना दिवसको अवसरमा देश व्यापी रुपमा रक्तदान कार्यक्रम गर्दै आएको छ । रक्तदान कार्यक्रम कम्पनीका विभिन्न प्रादेशिक तथा शाखा कार्यालयहरु मार्फत संचालन भैरहेका छन् ।
नेपालको अग्रणी बीमा कम्पनीको रुपमा स्थापीत शिखर इन्स्योरेन्सले स्थापनाको १८औ बार्षिकोत्सवको अवसरमा देशव्यापी रुपमा रक्तदान सप्ताह कार्यक्रम गर्दै आएको हो । गत कात्तिक २७ गते देखी सुरु भएको रक्तदान कार्यक्रममा लुम्बिनी प्रदेश अन्र्तगत बुटवल र दाङ्गमा आज रक्तदान कार्यक्रम सम्पन्न भएको छ ।
लुम्बिनी प्रदेश अन्र्तगत रुपन्देहीको बुटवल र दाङ्गको लमहीमा भएको छुट्टाछुट्टै रक्तदान कार्यक्रममा २५० युनिट रगत संकलन भएको शिखर इन्स्योरेन्स कम्पनी लिमिटेड लुम्बिनी प्रदेशका नायव क्षत्रिय प्रबन्धक रविकिरण के.सीले जानकारी दिए । बुटवलमा भएको रक्तदान कार्यक्रममा १५० युनिट र दाङ्गमा भएको रक्तदानमा १०० युनिट गरी जम्मा २५० युनिट रगत संकलन भएको उनले बताए ।
रक्तदान कार्यक्रमको बुटवलमा भएको औपचारीक कार्यक्रमलाई उद्घाटन गर्दैै शिखर इन्स्यारेन्सका लुम्बिनी प्रदेश प्रमुख किरण काफ्लेले आगामी मंसिर २ गते कम्पनि स्थापनाको १८ औ बर्ष पार गरी १९ औ बर्ष प्रवेश गर्ने अवसरमा कम्पनीले राष्ट्रव्यापी रुपमा रक्तदान कार्यक्रमको आयोजना गरी मनाउदै आएको बताए । उनले हरेक बर्ष कम्पनीले विभिन्न सामाजीक उत्तरदायीत्व अन्र्तगतका कार्यक्रमको आयोजना गर्दै स्थापना दिवस मनाउदै आउने गरेको उल्लेख गरे । कम्पनीको प्रादेशिक तथा शाखा कार्यलयहरु मार्फत सातै प्रदेशका विभिन्न स्थानमा रक्तदान कार्यक्रमको आयोजना गरिएको उल्लेख गर्दै भोली मंसिर १ गते बिहीबार लुम्बिनी प्रदेश अन्र्तगत नेपालगन्जमा रक्तदान कार्यक्रम गरिने जानकारी दिए ।
बुटवल र दाङ्गमा गरी छुट्टाछुट्टै स्थानमा भएको रक्तदान कार्यक्रमको अध्यक्षता निरज बिक्रम शाह र रवि किरण के.सीले गरेका थिए । कार्यक्रममा सहभागीलाई प्रमाण पत्र प्रदान गर्दै शिखर इन्स्योरेन्सका बुटवल शाखा प्रमुख बिक्रम कार्किले शिखर इन्स्यारेन्सको १९ औ बर्षारम्भको अवसरमा आयोजीत कार्यक्रममा रक्तदान जस्तो महादान गर्नु भएकोमा धन्यवाद ज्ञापन गरेका थिए । कार्यक्रमा नेपाल रेडक्रस सोसाइटी दाङ्ग उपशाखा र नेपाल रेडक्रस सोसाइटी बुटवल रक्तसन्चार केन्द्रको प्राविधिक सहयोग रहेको थियो ।
