एलआईसी नेपालद्धारा उत्कृष्ट अभिकर्ता एवं एजेन्सीलाई सम्मान
काठमाडौं । एलआईसी नेपालले उत्कृष्ट अभिकर्ता एवं एजेन्सी म्यानेजरहरुलाई सम्मान गरेको छ । कम्पनीले काठमाडौंमा आयोजित एक कार्यक्रमका बीच चार सय भन्दा बढी उत्कृष्ट एजेन्सी एवं अभिकर्ताहरुलाई भव्य सम्मान गरेको हो ।कार्यक्रमका प्रमुख अतिथि रुपमा रहेका एलआईसी इण्डियाका उत्कृष्ट अभिकर्ता भरत पारेखले आफना अनुभव बाड्दै उत्प्रेरणा दिएका थिए ।
कार्यक्रममा कम्पनीका सिईओ तथा निर्देशक एल पी दासले वतर्मान बिषम परिस्थितीको वाबजुद पनि कम्पनीले बीमाको माध्यमबाट मानिसको जीवनमा आईपर्ने जोखिमलाई न्यूनिकरण गरि आम नागरिकको विश्वास जित्न सफल भएको पष्ट पारे ।
त्यस्तै, उनले कार्यक्रममा यस बिषम परिस्थितीमा पनि कम्पनीलाई सफलताको यो उचाईसम्म ल्याई पुराउनमा अभिकर्ताहरुलाई कृतज्ञता व्यक्त गर्दै धन्यवाद समेत व्यक्त गरे ।
