कोरोना बीमाको दावी भुुक्तानी सुरु गर्ने बीमा समितिको निर्णय, पहिलोलाई प्राथमिकतामा भुक्तानी गर्न बीमा कम्पनीहरुलाई निर्देशन
काठमाडौं। बीमा समितिले कोरोना बीमा बापतको दावी भुक्तानी रकम वितरण गर्न सुरु गर्ने निर्णय गरेको छ । सरकारले एक अर्ब रुपैयाँ रकम दिएपछि बीमा समितिले पिसिआर परिक्षणमा पोजेटिभ देखिएर पहिलो दावी गर्नेलाई प्राथमिकतामा पहिले पाउने गरी तत्काल भुक्तानी गर्न आजै सबै निर्जीवन बीमा कम्पनीहरुलाई निर्देशन दिएको छ ।
एक बीमा कम्पनीका सिईओले बीमा समितिलेबाट तालिका सहित दावी भुक्तानी गर्न निर्देशन प्राप्त भएको बताउँदै अब प्राथमिकता छनौट गरी भुक्तानी सुरु गरिने बताए । ‘चर्को चाप धान्न के गर्ने भन्ने अर्को समस्याा छ तर अब दावी भुक्तानी सुरु हुन्छ’ निर्जीवन बीमा कम्पनीका सिईओले भने ।
बीमा समितिले आज सबै निर्जीवन बीमा कम्पनीहरूलाई लिखित निर्देशन दिँदै नेपाल सरकारबाट प्राप्त रकममा बीमा कम्पनीहरूले व्यहोर्नुपर्ने हिस्सा थपेर भुक्तानी गर्न तालिकासहित निर्देशन दिएको पुष्टि गरेको छ ।
बीमा समितिले आज पठाएको ५ बुँदे निर्देशनमा कोरोनाको रकम पहिले दावी गर्नेलाई पहिले पाउने व्यवस्था गर्न र दावी भुक्तानी लिने बीमितको विवरण वेभसाइटमा राख्न भनिएको छ ।त्र
कोरोना बीमाको दावी भुक्तानी विगत एक वर्षभन्दा लामो समयदेखि रोकिएको अवस्थामा छ। कोरोना बीमाको कूल बक्यौता ११ अर्ब ४४ करोड रूपैयाँ रहेको छ । सरकारले दिएको एक अर्ब रकममा बीमा कम्पनीहरूले थपेर एक अर्ब ८१ करोड रूपैयाँ भुक्तानी हुनेछ।
कोरोना बीमा मापदण्ड गैर कानुनी भएको भन्दै सर्वोच्च अदालतमा परेको रिट बिचाराधिन अवस्थामै छ ।
