सिटिजन लाइफको नयाँ बोनसदर सार्वजनिक, अधिकतम् ७३ रुपैयाँसम्म बोनस पाउने

काठमाडौं । सिटिजन लाइफले नयाँ बोनसदर सार्वजनिक गरेको छ । बीमा समितिबाट स्वीकृति भएको नयाँ बोनसदर सार्वजनिक गरेको हो । कम्पनीले आव २०७७।७८ को वित्तीय विवरणमा आधारित बोनसदर बीमा समितिले यही कार्तिक ४ गते स्वीकृत गरेको थियो ।

नयाँ बोनसदर अनुसार सो कम्पनीमा बीमा गराएका बीमितहरुले न्यूनतम २५ रुपैयाँदेखि अधिकतम् ७३ रुपैयाँ प्रतिवर्ष प्रतिहजार बोनस पाउनेछन् । घोषित बोनसदर अनुसार अग्रिम भुक्तानी सावधिकमा न्यूनतम ४४ रुपैयाँदेखि अधिकतम् ५५ रुपैयाँसम्म बोनस पाउनेछन् । उक्त बीमा पोलिसी १० वर्षदेखि २४ वर्षसम्ममा पोलिसीहरु रहेका छन् ।

कम्पनीले आज प्रकाशित बोनसदर अनुसार सावधिक जीवनबीमा लेखमा ९ वर्षसम्मका पोलिसीले ३८ रुपैयाँ, १० देखि १४ वर्षका पोलिसीहरुले ४२ रुपैयाँ, १५ देखि १९ वर्षसम्मका पोलिसीहरुले ४५ रुपैयाँ, २० देखि २४ वर्षसम्मका पोलिसीहरुले ५० रुपैयाँ, २५ देखि २९ वर्षसम्मका पोलिसीहरुले ६३ रुपैयाँ र ३० वर्ष सो भन्दा माथिका पोलिसीहरुले ७३ रुपैयाँ प्रति वर्ष प्रति हजारका दरले बोनस पाउनेछन् ।

त्यस्तै, सिटिजन शुभारम्भ बीमा पोलिसीहरुमा ९ वर्षसम्मका पोलिसीले ३५ रुपैयाँ, १० देखि १४ वर्षका पोलिसीहरुले ३८ रुपैयाँ, १५ देखि १९ वर्षसम्मका पोलिसीहरुले ४० रुपैयाँ, २० देखि २४ वर्षसम्मका पोलिसीहरुले ४५ रुपैयाँ, २५ देखि २९ वर्षसम्मका पोलिसीहरुले ६० रुपैयाँ र ३० वर्ष सो भन्दा माथिका पोलिसीहरुले ७० रुपैयाँ प्रति वर्ष प्रति हजारका दरले बोनस पाउनेछन् ।

त्यस्तै, सिटिजन लाइफले बिक्री गर्दै आएको बार्षिक अग्रिम भुक्तानी सावधिक बीमालेखमा ९ वर्षसम्मका पोलिसीले २५ रुपैयाँ, १० देखि १४ वर्षका पोलिसीहरुले २७ रुपैयाँ, १५ देखि १९ वर्षसम्मका पोलिसीहरुले ३० रुपैयाँ, २० वर्ष सो भन्दा माथिका पोलिसीहरुले ३५ रुपैयाँ प्रति वर्ष प्रति हजारका दरले बोनस पाउनेछन् ।

आज प्रकाशित नयाँ बोनस दर अनुसार सावधिक तथा आजीवन बीमालेख (सिटिजन जीवन सारथी योजना) मा ९ वर्षसम्मका पोलिसीले ३७ रुपैयाँ, १० देखि १४ वर्षका पोलिसीहरुले ३८ रुपैयाँ, १५ देखि १९ वर्षसम्मका पोलिसीहरुले ४० रुपैयाँ, २० देखि २४ वर्षसम्मका पोलिसीहरुले ४२ रुपैयाँ, २५ देखि २९ वर्षसम्मका पोलिसीहरुले ५७ रुपैयाँ र ३० वर्ष सो भन्दा माथिका पोलिसीहरुले ७० रुपैयाँ प्रति वर्ष प्रति हजारका दरले बोनस पाउनेछन् ।

नयाँ बोनसदर बीमा पोलिसी समर्पण गर्दा, दावी भुक्तानी गर्दा, मृत्यु दावी भुक्तानी गर्दा अर्को नयाँ बोनसदर आउन्जेलसम्मको लागि लागू हुने कम्पनीले जनाएको छ । दीगो जीवन बीमा व्यवसायमा प्रतिबद्ध रही व्यवसा गर्दै आएको कम्पनीले स्थापनाको छैटौं वर्ष प्रवेश गरेको अवसरमा पुराना कम्पनी सरह अधिकतम् ७३ रुपैयाँ बोनसदर सार्वजनिक गर्न सफल भएपछि कम्पनीमा आबद्ध बीमा अभिकर्ताहरु उत्साहित बनेका छन् ।