नेको इन्स्योरेन्सको बोनस शेयर सूचीकृत
काठमाडौं । नेपाल स्टक एक्सचेञ्ज (नेप्से)मा नेको इन्स्योरेन्सको बोनस शेयर सूचीकृत भएको छ । कम्पनीको साधारण सभाबाट पारित भएको गत आर्थिक वर्षको १५ प्रतिशत बोनस शेयर आज सूचीकृत भएको हो ।
कम्पनीको सो प्रतिशत दरका २२ लाख ८२ हजार ४५० कित्ता बोनस शेयर सूचीकृत भएको हो । सूचीकृतपश्चात् उक्त शेयर सम्बन्धित शेयरधनीको हितग्राही खातामा जम्मा भएपछि लगानीकर्ताले धितोपत्र दोस्रो बजारमा खरिदबिक्री गर्न पाउनेछन् ।
