मुस्ताङको थासाङ–२ कोबाङसरेमा दुर्घटनाग्रस्त अवस्थामा भेटियो तारा एयरको ट्वीनअटर जहाज
काठमाडौं । हिजोदेखि फेला नपरेको तारा एयरको जहाज आज विहानै दुर्घट्नाग्रस्त अवस्थामा फेला परेको छ । मुस्ताङ्को लेतेबाट एक स्थानीयबासीले दिएको जानकारी अनुसार लेते र कोबाङ्भन्दा माथि थासाङ–२ कोबाङसरे भन्ने स्थानमा दुर्घटनाग्रस्त अवस्थामा फेला परेको हो ।
दुर्घटना भएको स्थान मानापाथी हिमालको फेदी पर्ने प्रहरीले जनाएको छ । मुस्ताङका डिएसपी रामकुमार धानीका अनुसार यार्सागुम्बा टिप्न गएकाहरूले विमानको तस्बिर पठाएकोले दुर्घटनाको पुष्टि भएको र थप विवरण आउन बाँकी रहेको जनाइएको छ ।
अहिले सो क्षेत्रमा नेपाली सेनाको टोली परिचालन गरिएको छ ।
तस्विर सौजन्यः इकान्तिपुर (यार्सा टिप्नेहरुले खिचेर प्रहरीलाई पठाएको तस्विर)
