बीमापोष्टका सम्पादक न्यौपाने इच्छुक स्मृति पत्रकारिता पुरस्कारबाट सम्मानित, तेजेन्द्र- सुन्तली खड्का आर्थिक पुरस्कार कुवेर चालिसेलाई

काठमाडौं । बीमापोष्ट डटकमका सम्पादक नबराज न्यौपाने र काराेबार दैनिकका सम्पादक कुवेर चालिसेसहित एक दर्जन पत्रकारहरू पुरस्कृत भएका छन् । रिर्पोटर क्लब नेपालकोे २४औं वार्षिकोत्सवको अवसरमा प्रधानमन्त्री शेर बहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डले संयुक्त रूपमा कृष्णसेन इच्छुक स्मृति पत्रकारिता पुरस्कारबाट बीमापोष्ट डटकमका सम्पादक नबराज न्यौपानेलाई र तेजेन्द्- सुन्तली खड्का आर्थिक पत्रकारिता पुरस्कारबाट काराेबार दैनिकका सम्पादक कुवेर चालिसेलाई  सम्मानित गरिएको हो ।

जनपक्षिय पत्रकारितामार्फत योगदान पुयाएवापत पत्रकार न्याैपानेलाई  रिपाेर्टर्स क्लवले स्थापना गरेको कृष्णसेन इच्छुक स्मृति पत्रकारिता पुरस्कारबाट सम्मान प्रदान गरिएको हो। २५ हजार रुपैयाँ नगद पुरस्कारसहित पत्रकार न्यौपानेलाई सम्मान गरिएको हो । न्यौपाने लामो समयदेखि जनपक्षियता र आर्थिक बीटमा रहेर समाचार लेख्दै अएका छन्। आम सञ्चार तथा पत्रकारितामा स्नातकोत्तर न्यौपाने यसअघि दैनिक, साप्ताहिक सहितका एक दर्जन प्रिन्ट मिडिया तथा पछिल्लो समय विभिन्न अनलाईनसहित करिव दुई दशकदेखि पत्रकारितामा सक्रिय छन् । न्यौपाने पिपुल्स भोलेन्टियर्स जर्नालिष्ट फोरमका संयोजक समेत हुन् ।

त्यस्तै, अढाई दशक भन्दा लामो समयदेखि पत्रकारितामा क्रयाशिल पत्रकार चालिसे एक लाख रुपैयाँ राशीको तेजेन्द्र–सुन्तली खड्का आर्थिक पत्रकारिता पुरस्कारबाट पुरस्कृत भएका छन् । प्रधानमन्त्री शेर बहादुर देउवाले पत्रकार चालिसेलाई सो पुरस्कार हस्तान्तरण गरेका हुन् । हिमालय टाइम्सबाट पत्रकारिता सुरू गरेका चालिसे नागरिक दैनिक, दि हिमालयन टाइम्स हुँदै कारोवार दैनिकमा सम्पादकमा कार्यरत छन् ।

त्यस्तै,  एक लाख रुपैयाँ राशिको कृष्णप्रसाद भट्टराई स्मृति पत्रकारिता पुरस्कार बरिष्ठ पत्रकार किशोर नेपाललाई प्रदान गरेको छ । क्लबले हरेक वर्ष प्रदान गर्दै आएको पचास हजार रुपैयाँ राशिको तारिणीप्रसाद कोइराला स्मृति पत्रकारिता पुरस्कार कान्तिपुर दैनिकका पत्रकार कुलचन्द्र न्यौपानेलाई प्रदान गरिएको छ ।

त्यस्तै, जनही पच्चिस हजार रुपैयाँ राशिका वीरेन्द्र साह स्मृति पत्रकारिता पुरस्कार गोरखापत्र दैनिकका पत्रकार सुरेश यादव, सहिद जगतप्रकाशजंग शाह स्मृति पत्रकारिता पुरस्कार राससका पत्रकार कृष्णराज गौतम, उमासिंह स्मृति पत्रकारिता पुरस्कार ग्यालेक्सी फोरकेकी पत्रकार सिर्जना घिमिरे र बाबुछिरी स्मृति फोटो पत्रकारिता पुरस्कार राससका रोशन सापकोटालाई प्रदान गरिएको छ । त्यस्तै, प्राईम टाइम्स टीभीका पत्रकारद्धय बालकृष्ण गौतम र डेबिड पाण्डेलाई क्रियाशील युवा पत्रकारिता पुरस्कार— २०७८ बाट पुरस्कृत भएका छन् ।