प्राविधिक कारणले गडबडी समाधान हुन नसकेपछि सोमबारका लागि शेयर कारोबार बन्द
काठमाडौं । आज दिउँसो १२ः५३ बजेदेखि कारोबार स्थगित भएको शेयर कारोबार आजको लागि बन्द भएको छ । ब्रोकरको डेटा सेन्टरमा प्राविधिक कारणले गडबडी समाधान हुन नसकेपछि सोमबारका लागि कारोबार बन्द भएको छ । प्राविधिक समस्या समाधान नभएपछि आजका लागि पूरै दिनका लागि कारोबार बन्द भएको नेप्सेले सूचनामार्फत जनाएको छ ।
यसअघि समस्या समाधान भएपछि बाँकी समयका लागि कारोबार खुलाउने सूचना नेप्सेले दिएको थियो । तर आज समस्या समाधान हुनसक्ने अवस्था नभएपछि पूरै दिनका लागि कारोबार बन्द गरिएको हो ।
