अब सहकारीहरुले पनि एटीएम कार्ड जारी गर्ने, भारतामा समेत चल्ने
काठमाडौं। राष्ट्रिय सहकारी बैंकका सदस्य सहकारी संस्थाका ग्राहकहरूले पनि स्मार्टच्वाइस टेक्नोलोजी (एससीटी) ले जारी गरेका एटीएम प्रयोग गर्न पाउने भएका छन्। यसै बीचमा आज सम्झौता भएको हो ।
अब सहकारीहरुका लागि सहकारी पहिचानसहितको ’कुप कार्ड’ जारी गर्न स्मार्टच्वाइस टेक्नोलोजिज लिमिटेड, राष्ट्रिय सहकारी बैंक र ग्लोबल आइएमई बैंकबीच त्रीपक्षीय सम्झौता गरेको छ। अहिले बैंक तथा वित्तीय संस्थाहरुलाई सेवा दिँदै आएको एससीटीले सहकारीको भुमिका र कारोबारलाई लक्षित गर्दै एटीएम सेवा सुरु गर्न लागेको हो।
केही समयदेखि एससीटीले १०० भन्दा बढी सहकारीहरुलाई कार्ड सेवा दिँदै आएकोमा यसलाई संस्थागत र प्रभावकारी विस्तार गर्न ’कुप कार्ड’ जारी गर्न लागेको जनाएको छ। उक्त कार्ड नेपाल र भारतमा चल्ने छ।
