राष्ट्र बैंकले ८ अर्ब रुपैयाँको ट्रेजरी बिल बिक्रि गर्दै, आज बोलकबोल
काठमाडौं । नेपाल राष्ट्र बैंकले आज ८ अर्ब रुपैयाँको ट्रेजरी बिलको बोलकबोल गर्ने भएको छ।राष्ट्र बैंकले फागुन ३ गते जारी गर्न लागेको ९१ दिने र १८२ दिने ट्रेजरी बिलको बोलकबोल गर्ने भएको हो। राष्ट्र बैंकले ९१ दिनका लागि २ अर्ब रुपैयाँको ट्रेजरी बिल जारी गर्नेछ।
यो ट्रेजरी बिल आउँदो २०७९ जेठ ३ गते परिपक्व हुनेछ।
यसैगरी राष्ट्र बैंकले १८२ दिने ६ अर्ब रुपैयाँको ट्रेजरी बिल जारी गर्नेछ। यो ट्रेजरी बिल भने २०७९ साउन ३१ गते परिपक्व हुनेछन्। यी ट्रेजरी बिलको भोलि दिउँसो ३ बजे अनलाइनका माध्यमबाट बोलकबोल हुनेछ। बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन्।बोलकबोलमा सबैभन्दा बढी मूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँड हुने गर्दछ।
