सिटिजन्स बैंकद्धारा पुरानो लाभांश लिन शेयरधनीहरुलाई आग्रह
१ फाल्गुन २०७८, आईतवार ११:४४
काठमाडौं । सिटिजन्स बैंक इन्टरनेशनलले पुरानो लाभांश लिन शेयरधनीहरुलाई आग्रह गरेको छ । बैंकले आर्थिक वषै २०७२।०७३ को लिन बाँकी नगद लाभांश लिन आग्रह गरेको हो ।
उक्त नगद लाभांश नलिएका शेयरधनीहरुले सूचना प्रकाशित भएको मितिले ३५ दिन भित्र कम्पनीको शेयर रजिष्ट्रार सिबिआईएल क्यापिटल बाटुलेघर डिल्लीबजार काठमाडौंमा आवश्यक कागजात संकलन गरी सम्पर्क राख्न सक्नेछन् ।
साथै, तोकिएको अवधि भित्र नगद लाभांश लिन नआएमा उक्त नगद लाभांश लगानीकर्ता संरक्षण कोषमा जम्मा हुने जनाएको छ । कम्पनीको शेयर रजिष्ट्रारका रुपमा सिबिआई एल क्यापिटल लिमिटेड रहेको छ ।