एक्सेल डेभलपमेन्ट बैंकको लिलामीमा शेयरमा आवेदन दिने आज अन्तिम दिन
काठमाडौं । एक्सेल डेभलपमेन्ट बैंकको लिलामीमा शेयरमा आवेदन दिने आज (पुस ७ गते) अन्तिम दिन रहेको छ ।कम्पनीले असोज २५ गतेदेखी २९ गतेसम्म हकप्रद शेयर बिक्री खुल्ला गर्दा नबिकेको सर्वसाधारण समूहको २७ हजार २५७ दशमलव २० कित्ता शेयर लिलामी बिक्री गर्न लागेको हो ।
उक्त शेयर खरिद गर्ने चाहने इच्छुक आवेदकले मंसिर २९ गतेदेखी पुस ७ गतेसम्म न्यूनतम १०० कित्ता र अधिकतम सम्पूर्ण कित्ता माग गरि बोलपत्र पेश गर्ने सक्नेछन् । शेयरको न्यूनतम मूल्य १०० रुपैयाँ तोकिएको हुदाँ आवेदन दिदा सो वा सोभन्दा बढी मूल्य अंकित गरि आवेदन दिनुपर्नेछ ।
कम्पनीको बिक्री प्रबन्धकका रुपमा एनआईबिएल एस क्यापिटल लिमिटेड रहेको छ ।
