बैंक अफ काठमाण्डूको लाभांश सुरक्षित गर्ने भोलि अन्तिम दिन
काठमाडौं । बैंक अफ काठमाण्डू लिमिटेडको लाभांश सुरक्षित गर्न भोलि (मंसिर ९ गते) अन्तिम दिन रहेको छ ।
कम्पनीले लाभाश र साधारण सभा प्रयोजनका लागि मंसिर १० गते बुक क्लोज गर्ने भएको छ । जसअनुसार ९ गतेसम्म कायम शेयरधनीहरुले मात्र सभामा भाग लिन र लाभांश पाउनेछन् ।
कम्पनीले आर्थिक वर्ष २०७७।०७८ को मुनाफाबाट शेयरधनीहरुलाई १० प्रतिशत बोनश शेयर र ४ प्रतिशत नगद लाभांश वितरण गर्ने प्रस्ताप गरेको छ । उक्त लाभांश पारित गर्न कम्पनीले साधारण सभा मंसिर २९ गते बिहान १० बजे नेपाल प्रज्ञा प्रतिष्ठान कमलादी काठमाडौंमा बस्ने गरी आव्हान गरेको छ ।
