गुराँस लाइफ इन्स्योरेन्सको लाभांश सुरक्षित गर्ने भोलि अन्तिम दिन
काठमाडौं । गुराँस लाइफ इन्स्योरेन्स कम्पनी लिमिटेडको ५.७८ प्रतिशत लाभांश सुरक्षित गर्ने भोलि (कात्तिक २२ गते) अन्तिम दिन रहेको छ । कम्पनीले आगामी मंसिर १० गते बोलाएको वार्षिक साधारण सभाका लागि कात्तिक २३ गते बुक क्लोज गर्ने भएकाले भोलि सोमबारसम्म कायम शेयरधनीले मात्र लाभांश प्राप्त गर्ने पाउने छन ।
सभा कम्पनीको प्रधान कार्यालय राज भवन तिनकुने काठमाडौंमा बिहान ११ बजे भिडियो कन्फ्रेन्सको माध्यमबाट बस्ने गरी आव्हान गरेको हो । उक्त सभाले कम्पनीको आर्थिक वर्ष २०७५।०७६ को नाफाबाट लगानीकर्तालाई ५.५० प्रतिशत बोनस शेयर र कर प्रयोजनको लागि ०.२८ प्रतिशत नगद लाभांश दिने निर्णय गरेको छ ।
