नबिल बैंकका मनोजकुमार ज्ञवाली महाप्रबन्धकमा बढुवा
नबिल बैंकका मनोजकुमार ज्ञवाली महाप्रबन्धकमा बढुवा भएका छन् । यसअघि उनी नायव महाप्रबन्धक थिए । बैंकको सोमबार सम्पन्न सञ्चालक समितिको बैठकले ज्ञवालीलाई बढुवा गरेको हो ।
ज्ञवालीले १३ महिनामा प्रमोशन खाएका हुन् । उनी २०७६ भदौंमा नविल बैंकमा नायब महाप्रबन्धकको रुपमा भित्रिएका थिए । त्यसअघि उनले ज्योति विकास बैंकको प्रमुख कार्यकारी अधिकृतबाट अवकाश लिएका थिए ।
ज्ञवालीसँगै नविलमा ३ जना महाप्रबन्धक भएका छन् । यसअघि सुजित शाक्य र बिनय रेग्मी पनि महाप्रबन्धक पदमा कार्यरत छन् । नविलमा प्रमुख कार्यकारी अधिकृतपछिको पद महाप्रवन्धक हो ।
