दशैं-तिहारमा यति एयरलाइन्सको जहाज चढ्नेलाई पुरस्कारै पुरस्कार
काठमाडौं । नेपालीहरुको राष्ट्रि पर्व दशैं तिहारमा यति एयरलाइन्सको जहाजमा यात्रा गर्नेहरुले विशेष उपहारहरु प्राप्त गर्ने भएका छन् । सुरक्षा र सेवाग्राहीको सन्तुष्टिलाई पहिलो प्राथमिकतामा राखेर वायुसेवा सञ्चालन गर्दै आएको यति एयरलाइन्सले दशैं, तिहार र छठ पर्वलक्षित गरी ‘धमाकेदार दशैं तिहार स्कुटरदेखि हिरा उपहार’ योजना आज सार्वजनिक गरेको छ ।
कम्पनीका अनुसार सो जहाजमा यात्रा गर्ने मध्ये पहिलो विजेताको रुपमा यामाहाको फेसिनो १२५ एफ आई स्कुटर, दोस्रो विजेताको रुपमा एक जोडीका लागि दुबई जाने आउने हवाई टिकट र तेस्रो हुनेले हिराको टप प्राप्त गर्नेछन् ।
दशैंको घटस्थापना अर्थात असोज २१ देखि छठको भोलिपल्ट अर्थात कार्तिक २४ गतेसम्म कम्पनीको उडान सेवा लिने ग्राहकमा योजना लागू हुने यति एयरलाइन्सले जनाएको छ । कम्पनीले ‘हर्षोल्लासका साथ मनाइने नेपालीको महान चाडहरुमा यती एअरलाइन्समार्फत यात्रा गर्ने सम्पूर्ण यात्रुलाई लक्षित गरेर यो योजना सञ्चालन गर्न लागिएको हो । यात्रुले पनि आरामदायी र सुरक्षित यात्रासँगै उपहार प्राप्त गरी खुसी साटासाट गर्न सकून् भन्ने उद्देश्य रहेको छ ।’ कम्पनीद्वारा जारी बक्तव्यमा उल्लेख छ ।
सो अवधीमा हरेक यात्रुले विमानस्थलमा चेक–ईन गर्दा बोर्डिङ पाससँगै प्राप्त गर्ने ‘लक्की ड्र’ कुपन भरेर ड्रप बक्समा राख्नुपर्ने यति एयरलाइन्सले जनाएको छ । सोही आधारमा उपहार छनौट हुनेछ ।
उनका अनुसार यात्रुले एकतर्फी यात्रा गर्दा एउटा र राउण्ड ट्रिप गर्दा चारवटा कुपन प्राप्त गर्ने र सोही कुपनहरु मध्येबाट उपहार बिजेता घोषणा गरिने जनाएको छ ।
यति एयरलाइन्सले पाँचवटा एटिआर–७२ सिरिजका जहाजमार्फत मुलुकको विभिन्न आठवटा गन्तव्यमा नियमित उडान गर्दै आएको छ । त्यस्तै भगिनी एयरलाइन्स तारा एयरमार्फत नेपालकोे दुर्र्गम क्षेत्रमा उडान भदै आएको छ ।
