नेप्सेमा रुरु जलविद्युतको १०% बोनशपछिको शेयरमूल्य समायोजन
काठमाडौं । नेप्सेमा रुरु जलविद्युत परियोजनाको शेयरमूल्य समायोजन भएको छ । कम्पनीले १० प्रतिशत बोनस शेयर वितरणका लागि बुधबार बुकक्लोज गरेसँगै आज नेप्सेमा कम्पनीको शेयरमूल्य समायोजन भएको हो ।
अघिल्लो दिन कायम १३२७ रुपैयाँका आधारमा नेप्सेले बोनस शेयर वितरणका लागि बुकक्लोज गरेपछिको शेयरमूल्य १२०६ रुपैयाँ समायोजन गरेको हो ।
सो प्रतिशत बोनस शेयर प्रस्ताव पारित गर्न कम्पनीले असोज १६ गते साधारण सभा आह्वान गरेको छ ।
