‘नेपाल लाइफ एमडीआरटी एचिभर्स अवार्ड २०२५’ भव्य रुपमा सम्पन्न, ९५ जना अभिकर्ता सम्मानित
काठमाडौँ । नेपाल लाइफ इन्स्योरेन्स कम्पनी लिमिटेडको ‘नेपाल लाइफ एमडीआरटी एचिभर्स अवार्ड २०२५’ कार्यक्रम भव्य रुपमा सम्पन्न भएको छ । कार्यक्रल काठमाडौंको सोल्टी होटलमा शनीबार भव्य रुपमा सम्पन्न भएको हो ।
सन् २०२५ को लागि एमडीआरटी लक्ष्य प्राप्त गरेका ९५ जना अभिकर्ताहरुलाई सम्मान तथा अवार्ड वितरण गर्ने उद्देश्यले उक्त कार्यक्रम आयोजना गरिएको हो । कार्यक्रमबाट सम्मानित भएका अभिकर्ताहरुले आउँदो दिन अझै लगाव र मिहिनेतका साथ व्यवसाय गर्ने प्रतिवद्धता जनाएका छन् ।
कार्यक्रमलाई सम्बोधन गर्दै प्रमुख कार्यकारी अधिकृत प्रविण रमण पराजुलीले अभिकर्ताहरुको भावनालाई बुझेर आउँदो दिनमा विभिन्न सम्मान तथा अभिकर्ता पुनर्ताजगी र एमडीआरटी छनौट भएका अभिकर्ताहरुलाई थप प्रोत्साहन गरी अगाडी बढ्ने बताएका छन् ।
कार्यक्रममा कम्पनीका प्रमुख कार्यकारी अधिकृत प्रविण रमण पराजुली, सञ्चालक समिति सदस्य कमलेश कुमार अग्रवाल र शक्ति गोल्यान, नायब प्रमुका कार्यकारी अधिकृत अमित कुमार केयाल, नेशनल सेल्स हेड उमापति पोखरेल, बिजनेश अप्रेसन् ओम प्रकाश पुडासैनी लगायत देशभरीबाट उत्कृष्ट व्यवसाय गरी सन् २०२५ को एमडीआरटी लक्ष्य प्राप्त गर्न सफल अभिकर्ताहरुको सहभागिता रहेको थियो । अभिकर्ता युनियनका पदाधिकारी लगायतको बाक्लो उपस्थिती रहेको थियो ।
