शंकर ग्रुप र सौरभ ग्रुपको लगानी रहेको शुभ श्री जगदम्बा सिमेन्टको रेटिङ हटाइयो
काठमाडौं । इक्रा नेपालले शुभ श्री जगदम्बा सिमेन्ट मिल्स प्राइभेट लिमिटेडको दीर्घकालिक ऋण र छोटोकालिक ऋण रेटिङ हटाएको छ । कम्पनीले रेटिङ अनुगमनमा सहयोग नगरेपछि आईसीआरए नेपालले उक्त रेटिङ हटाउने निर्णय गरेको हो ।
इक्रा नेपालले शुभ श्री जगदम्बा सिमेन्ट मिल्स प्राइभेट लिमिटेडको दीर्घकालिक ऋणको रेटिङ आईसीआरएएनपीे एलबीबी– ’इश्युअर नट कोअपरेटिङ’ र छोटोकालिक ऋणको रेटिङ आईसीआरएएनपीे ए४ ’इश्युअर नट कोअपरेटिङ’ हटाएको छ । यस निर्णयको कारण कम्पनीको अनुगमन प्रक्रियामा निरन्तर असहयोग रहेको हो, जसको कारण उक्त रेटिङलाई हटाइएको हो ।
यसअघि, रेटिङ हटाउनको लागि ६ महिनासम्म नोटिस दिइएको थियो तर सो अवधिमा पनि कम्पनीबाट कुनै प्रकारको सहयोग प्राप्त भएको थिएन ।
सिमेन्ट २००७ अगस्टमा स्थापना भएको हो । यो कम्पनी सिमेन्ट उत्पादन र बिक्रीमा संलग्न छ, जसको स्थापनागत पिसाई क्षमता दैनिक २,६०० टन छ । अन्तिम पटक मूल्याङ्कन हुँदा, कम्पनीका सेयरहरू नेपालका दुई व्यवसायिक समूह शंकर ग्रुप र सौरभ ग्रुपका सात व्यक्तिहरूले लगानी गरेका थिए ।
एसएसजेसीएमले साधारण पोर्टल्याण्ड सिमेन्ट (ओपीसी) र पोर्टल्याण्ड स्ल्याग सिमेन्ट (पीएससी) उत्पादन गर्छ । यसको कारखाना पर्साको छत्ता पिप्रा चोर्नी–४ मा अवस्थित छ ।
