आज पनि डलरले बनायो नयाँ रेकर्ड
काठमाडौं । लगातार चौथौ दिन अमेरिकी डलरले नयाँ रेकर्ड मूल्य बनाएको छ। आज एक अमेरिकी डलरको बिक्रीमूल्य १३६.४२ रुपैयाँ छ भने खरिदमूल्य १३५.८२ रुपैयाँ पुगेको छ।
अघिल्लो दिन डलरको बिक्रीमूल्य १३६.२३ रुपैयाँ र खरिदमूल्य १३५.६३ रुपैयाँ थियो, जुन सबैभन्दा उच्च थियो। अमेरिकी डलरको भाउ लगातार बढ्दै गएसँगै नेपाली रुपैयाँ लगातार कमजोर बन्दै गइरहेको छ।
त्यस्तै आज १० जापानिज यनको खरिदमूल्य ८.६५ रुपैयाँ र बिक्रीमूल्य ८.६९ रुपैयाँ तोकिएको छ भने १०० कोरियन वनको खरिदमूल्य ९.३८ रुपैयाँ र बिक्रीमूल्य ९.४२ रुपैयाँ तोकिएको छ।
