एनपीएलमा सट्टेबाजी खेलाउने ४ जना भारतीय पक्राउ
काठमाडौँ । नेपाल प्रिमियर लिगमा सट्टेबाजी खेलाएको आरोपमा नेपाल प्रहरीले ४ जनालाई पक्राउ गरेको छ । प्रहरी प्रधान कार्यालय केन्द्रीय अनुसन्धान ब्यूरो (सीआईबी) को टोलीले त्रिभुवन अन्तराष्ट्रिय क्रिकेट ग्राउन्ड किर्तीपुरबाट पक्राउ गरेको हो ।
प्रहरीले विभिन्न अनलाइन बेटीङ एप मार्फत सट्टाबाजी खेलाउने चार जना भारतियलाई पक्राउ गरेको हो । जसमा सुमन धोष, अमित यादव, सुमन्त कुमार र ब्रजेश कुमार रहेका छन् ।
उनीहरुलाई प्रहरीले सट्टेबाजी गर्नु नहुने कसुरमा थप अनुसन्धान अघि बढाएको छ ।
