चार वटा प्रमुख ऐनमा संशोधन गर्दै उद्योग मन्त्रालय

काठमाडौं । उद्योग, वाणिज्य तथा आपूर्ति मन्त्रालयले चार वटा प्रमुख ऐनमा संशोधन प्रक्रिया अघि बढाउने निर्णय गरेको छ। मन्त्रालयका अनुसार, औद्योगिक व्यवसाय ऐन, विदेशी लगानी तथा प्रविधि हस्तान्तरण ऐन, विशेष आर्थिक क्षेत्र ऐन र खानी तथा खनिज पदार्थ ऐनमा संशोधन गर्न तयारी गरिएको हो। यी ऐनहरूमा विभिन्न सुधारात्मक कदमहरू ल्याउने उद्देश्यले मन्त्रालयले सार्वजनिक रायसुझाव माग गरेको छ।

मन्त्रालयले यी ऐनहरूको संशोधनको क्रममा समावेश गर्नुपर्ने महत्त्वपूर्ण विषयहरूमा आफ्ना राय र सुझावहरु पेश गर्न सरोकारवालाहरुलाई आग्रह गरेको छ। यसले उद्योग र व्यवसायको प्रवृद्धि र विदेशी लगानी आकर्षित गर्न मद्दत गर्ने उद्देश्य राखेको छ।

मन्त्रालयको यो कदमले नीति परिवर्तन र सुधारात्मक प्रक्रियामा सरोकारवालाको योगदान सुनिश्चित गर्ने अपेक्षा गरिएको छ।