‘सिटिजन एन्युअल बिजनेश रिट्रेट २०८१’ पोखरामा सम्पन्न, २५५ जना अभिकर्ता प्रशिक्षित तथा सम्मानित
काठमाडौँ । सिटिजन लाइफ इन्स्योरेन्सको ‘सिटिजन एन्युअल बिजनेश रिट्रेट २०८१’ पोखरामा सम्पन्न भएको छ । कम्पनीले आयोजना गरेको उक्त कार्यक्रम मंसिर १४ गतेदेखि १६ गतेसम्म सञ्चालन भई पोखराको ग्रान्डमा भव्य रुपमा सम्पन्न भएको हो ।
कार्यक्रमलाई सम्बोधन गर्दै कम्पनीका प्रमुख कार्यकारी अधिकृत पोषकराज पौडेलले सम्पूर्ण अभिकर्ताहरुको मिहिनेत र परिश्रमको कदर गर्दै आउँदो दिनमा अझै पनि विभिन्न तालिम तथा कार्यक्रम सञ्चालन गर्ने प्रतिवद्धता जनाएका छन् । कार्यक्रममा देशका विभिन्न क्षेत्रबाट सहभागिता जनाएका अभिकर्ताहरुले आफ्ना मौलिक संस्कृतीमा नाच गान गरेर कार्यक्रमलाई भव्य र रमाईलो बनाएका थिए ।
सिटिजन लाइफका अभिकर्ताहरुले पोखराका विभिन्न पर्यटकीय क्षेत्रहरुको अवलोकन गरेर सो क्षेत्रका सामाजिक तथा आर्थिक वातावरणको बारेमा बुझ्ने मौका समेत पाएका थिए । उपस्थित अभिकर्ताहरुले कम्पनीलाई धन्यवाद ज्ञापन गर्दै आउँदो दिनमा अझै उत्साहपूर्ण तरिकाले व्यवसाय गर्ने अभिव्यक्ति दिएका छन् ।
अन्तराष्ट्रिय प्रशिक्षक विजय कुमार झाले अभिकर्ताहरुको क्षमता तथा आत्मविश्वास अभिबृद्धि गर्ने तरिकाले प्रशिक्षणा गरेका थिए । उक्त तालिममा सहभागी भएका अभिकर्ताहरु मख्ख बनेका छन् ।
कार्यक्रममा कम्पनीका ब्रान्ड एम्बेस्डर मदन कृष्ण कृष्णा श्रेष्ठ र हरिवंश आचार्य एवम् अन्तराष्ट्रिय प्रशिक्षक विजय कुमार झा, कम्पनीका प्रमुख कार्यकारी अधिकृत पोषकराज पौडेल लगायत कम्पनीमा उच्च पदस्थ अधिकारीहरुको सहभागिता रहेको थियो ।
साथै, कार्यक्रममा देशभरीका सक्रिय सयौं अभिकर्ताहरुको उपस्थिती रहेको छ । कार्यक्रममा प्रशिक्षित अभिकर्ताहरुको क्षमता अभिबृद्धि हुने तथा व्यवसायमा सहयोग मिल्ने कम्पनीले विश्वास लिएको छ ।
