रोयल इन्फिल्ड क्लासिक ३५० सिग्नल्स एडिसन लन्च: सुरु मूल्य ५ लाख ५५ हजार, हेर्नुहोस् आकर्षक तस्बिर
काठमाडौँ । रोयल इन्फिल्डका नेपालका लागि आधिकारिक वितरक ‘अल्फा अटोमोटिभ प्रा.लि.’ ले आज राजधानीमा बहुप्रतीक्षित क्लासिक ३५० सिग्नल्स एडिसन सार्वजनिक गरेको छ। यो मोटरसाइकलले रोयल इन्फिल्डको ऐतिहासिक धरोहरलाई आधुनिक प्रविधिसँग समायोजन गर्दै मोटरसाइकलप्रेमीहरूलाई नवीन अनुभव प्रदान गर्ने लक्ष्य लिएको छ।
क्लासिक ३५० सिग्नल्स एडिसनलाई रोयल इन्फिल्डको पुरातात्विक जीटु मोडल र पोस्ट वार युगका मोटरसाइकलबाट प्रेरित डिजाइन गरिएको छ। यो मोडल दुई आकर्षक रङहरूमा-डेजर्ट स्यान्ड र मार्स ग्रे-उपलब्ध छ, जसले मोटरसाइकललाई विशिष्ट र साहसिक लुक प्रदान गर्दछ।
मोटरसाइकलमा ३५० सीसीको नयाँ एयर-आयल कुल्ड इन्जिन जडान गरिएको छ, जसले सवारीलाई सहज पावर डेलिभरी, बलियो टर्क र परिष्कृत सवारी अनुभव प्रदान गर्दछ। शहरभित्रको दैनिक आवागमन होस् वा लामो दूरीको यात्रा, यसको फराकिलो सिट प्रोफाइल र नरम फोम कुशन प्याडिङले चालक र पछाडि यात्रु दुबैलाई अत्यन्त आरामदायी अनुभव दिनेछ।
क्लासिक ३५० सिग्नल्स एडिसनको मूल्य ५ लाख ५५ हजार ६०० रुपैयाँ तोकिएको छ ।
नवीन फिचरहरू
क्लासिक ३५० सिग्नल्स एडिसनमा धेरै उपयोगी र आधुनिक फिचरहरू समावेश गरिएको छ, जसले यसलाई प्राविधिक दृष्टिकोणले विशेष बनाउँछ।
-नयाँ एर्गोनोमिक डिजाइन: चालकको सहजता र नियन्त्रणका लागि सिट डिजाइन र ग्रिप्सलाई परिष्कृत गरिएको छ।
-रोटरी स्विच र ओभल मास्टर सिलिन्डर: मोटरसाइकललाई परिष्कृत अनुभव प्रदान गर्ने थप आकर्षक विशेषता।
-हेडलाइट र टेललाइटमा नयाँ डिजाइन: पाइलट लाइट सहितको हेडलाइट र एकीकृत रिफ्लेक्टरसहितको टेललाइटले मोटरसाइकललाई आधुनिक लुक दिन्छ।
सवारीको सुरक्षाका लागि यसमा अगाडिको ३०० एमएम डिस्क ब्रेक र पछाडिको २७० एमएम डिस्क ब्रेक जडान गरिएको छ। अगाडि ट्विन पिस्टन फ्लोटिङ क्यालिपर र पछाडि सिंगल पिस्टन फ्लोटिङ क्यालिपरको प्रयोगले उत्कृष्ट ब्रेकिङ अनुभव प्रदान गर्दछ, जसले सवारको आत्मविश्वासलाई वृद्धि गर्नेछ। यो मोडलले परम्परा र आधुनिकतालाई सन्तुलनमा राखेर तयार पारिएको छ। पुराना मोटरसाइकलहरूको डिजाइन प्रेरणालाई प्रविधिको उत्कृष्ट प्रयोगमार्फत प्रस्तुत गर्दै, यो बाइक रोयल इन्फिल्ड ब्रान्डको पहिचानलाई अझ मजबुत बनाउनेछ।
रोयल इन्फिल्ड क्लासिक ३५० सिग्नल्स एडिसन नेपालभरका २४ वटै शोरूमहरूमा आजैदेखि उपलब्ध छ। मोटरसाइकलप्रेमीहरूले नजिकको रोयल इन्फिल्ड शोरूममा गएर यसलाई अवलोकन गर्न र टेस्ट राइड लिन सक्छन्। क्लासिक ३५० सिग्नल्स एडिसनले परिष्कृत इन्जिन, आरामदायी सवारी अनुभव, र सुरक्षा विशेषताहरूको साथ बजारमा प्रवेश गरेको छ। यसको आकर्षक डिजाइन, उत्कृष्ट प्रदर्शन, र विशेष रंग विकल्पले यो बाइकलाई नेपालका मोटरसाइकलप्रेमीहरूका लागि उपयुक्त बनाउनेछ।
