दुई दिनको भारी गिरावटपछि फेरि बढ्यो सुनको मूल्य, प्रतितोला कति ?
काठमाडौँ । लगातार दुई दिन सुनमा भारी गिराएपछि आज भने बढेको छ । सुन आज तोलामा ९०० रुपैयाँले बढेको हो ।
नेपाल सुनचाँदी ब्यवसायी महासंघका अनुसार आज सुनको मूल्य प्रतितोला एक लाख ४९ हजार ६०० रुपैयाँमा कारोबार भइरहेको छ । मंगलबार भने सुन तोलामा एक लाख ४८ हजार ७०० रुपैयाँमा कारोबार भइरहेको थियो ।
यता, चाँदीको मूल्य पनि तोलामा १० रुपैयाँले बढेको छ। चाँदी प्रतितोला एक हजार ८३० रुपैयाँमा कारोबार भइरहेको हो ।
