नेपाल एयरलाइन्सले अन्तर्राष्ट्रिय उडानमा भाडादरमा छुटको घोषणा
काठमाडौँ । नेपाल वायुसेवा निगम (नेपाल एयरलाइन्स) ले अन्तर्राष्ट्रिय गन्तव्यका उडानमा भाडादरमा विशेष छुटको घोषणा गरेको छ। निगमले भारत, युनाइटेड अरब इमिरेट्स (यूएई), साउदी अरब, मलेसिया, हङकङ, थाइल्यान्ड, र जापानका गन्तव्यहरूमा न्यूनतम २,५०० रुपैयाँदेखि अधिकतम ५,००० रुपैयाँसम्मको छुट दिन सुरु गरेको छ।
निगमले बिहीबार जारी गरेको विज्ञप्ति अनुसार यो छुट नयाँदिल्ली, मुम्बई, बैंगलोर, दुबई, दमाम, क्वालालम्पुर, हङकङ, बैंकक, र नारिता उडानमा लागू गरिएको हो। संस्कृति, पर्यटन तथा नागरिक उड्डयन मन्त्रालयको निर्देशनअनुसार अन्तर्राष्ट्रिय हवाई भाडादर घटाउन कदम चालिएको निगमले जनाएको छ।
