‘पूर्णबहादुरको सारङ्गी’ले २० करोडमाथिको गर्यो व्यापार, ‘कबड्डी ४’ को रेकर्ड तोड्दै
काठमाडौं । ‘पूर्णबहादुरको सारङ्गी’ले घरेलु बक्स अफिसमा २० करोड रुपैयाँको आँकडा पार गरेको छ ।११ दिनसम्मको कमाइ विवरण सार्वजनिक गरेको छ । सो मा उक्त आँकडा देखिएको छ।
जसअनुसार आइतबार (२५ कात्तिक)सम्म फिल्मको कमाइ २० करोड ७३ लाख ग्रस छ । फिल्मले आइतबार मात्रै २ करोड ७५ लाख ग्रस कमाएको छ ।यो कुल कलेक्सन साढे १७ करोड नेट हो । यसबाट निर्मातालाई साढे ८ करोड सेयर प्राप्त हुन्छ । वितरक मनोज राठीका अनुसार मुलुकका १०० भन्दा हल र ४५० भन्दा बढी शोबाट यो कलेक्सन प्राप्त भएको हो ।
यही गति कायम रहे फिल्मले सर्वाधिक कमाइको रेकर्ड राख्न सक्छ । धेरै कमाउने नेपाली फिल्मको रेकर्ड ‘कबड्डी ४’ सँग छ, जसको कलेक्सन निर्माताले दिएको आधारमा (२३ करोड ५० लाख) र चलचित्र विकास बोर्डले दिएको तथ्यांकको आधारमा (२१ करोड ३८ लाख) छ ।
