नेपाल टेलिकमले ल्यायो मल्टिपल टिभी सेवा, कति पर्छ मूल्य ?
काठमाडौँ । नेपाल टेलिकमले मल्टीपल टिभी जडान गर्ने व्यवस्था गरेको छ । कर्पोरेट ग्राहकहरुको अत्याधिक माग बमोजिम नै टेलिकमले यस्तो व्यवस्था गरेको हो ।
मल्टीपल टिभी अन्तर्गत ४ वटा वा सो भन्दा टिभी जडान गर्न सकिने छ । जडान ग्राहकले सहुलियत दरमा बेसिक र प्रिमियम प्याकेजहरु खरिद गर्न सक्नेछन् ।
टेलिकमका अनुसार ३ देखि १० वटा टिभी जडान गर्दा प्रति सेट टप बक्स २ हजार ९३८ रुपैयाँ र एक वर्षको वारेन्टी हुने छन् । यस्तै ११ भन्दा बढी टिभी जडान गर्दा भने प्रति सेट टप बस्क २ हजार ८२५ रुपैयाँ लाग्नेछ । यसमा एक वर्षको वारेन्टीसहित खरिद गर्न सकिने टेलिकमले जनाएको छ ।
उक्त सेवा सम्वन्धि आवश्यक जानकारीका लागि १९८ मा कल गरे अथवा नजिकैको टेलिकम कार्यालयहरुमा सम्पर्क गर्न सकिनेछ ।
