सुनको मूल्यमा नयाँ रेकर्ड कायम, कतिमा हुदैछ आजको कारोबार ?
काठमाडौँ । नेपाली बजारमा सुनको भाउले लगातार चौथो दिन नयाँ रेकर्ड कायम गरेको छ ।
नेपाल सुन–चाँदी व्यवसायी महासंघका अनुसार आइतबार (कात्तिक ४ गते) छापावाल सुन प्रतितोला ६ सय रुपैयाँले बढेर १ लाख ६५ हजार रुपैयाँ कायम भएको छ । यसअघि शुक्रबार कात्तिक २ गते सुनको भाउ १ लाख ६४ हजार ४०० रुपैयाँमा कारोबार भएको थियो ।
आज चाँदीको भाउ पनि तोलामा ९५ रुपैयाँले बढेर २ हजार ७५ रुपैयाँ पुगेको छ । शुक्रबाट चाँदीको भाउ १९ सय ८० रुपैयाँमा कायम रहेको थियो ।
