एनएमबि क्यापिटलको म्युचुअल फण्ड आजदेखि बिक्री खुल्ला, कसरी दिने आवेदन ?
काठमाडौं । एनएमबि क्यापिटल मार्केट्स लिमिटेडको म्युचुअल फण्ड ‘एनएमबि सरल बचत फण्ड–ई’ ले आजदेखि निष्काशन तथा बिक्री खुल्ला गरेको छ ।
क्यापिटलले प्रतिइकाई १० रुपैयाँ अंकित दरमा १ अर्ब रुपैयाँ बराबरको १० करोड इकाई निष्काशन गरेको हो । जसमध्ये ४० प्रतिशत अर्थात ४ करोड इकाई पहिलो चरणमा निष्काशन गरिएको हो ।
कुल इकाई मध्ये १४ प्रतिशत अर्थात १ करोड ४० लाख इकाई कोष प्रबद्र्धक एनएमबि बैंक र १ प्रतिशत योजना व्यवस्थापक एनएमबि क्यापिटललाई छुट्टाइएको छ । बाँकी रहेको २ करोड ५० लाख इकाई सर्वसाधारणका लागि बिक्री खुल्ला गरेको हो ।
उक्त फण्डमा छिटोमा भदौ २१ गते र ढिलोमा ३१ गतेसम्म आवेदन दिन सकिनेछ । उक्त म्युचुअल फण्डमा लगानीकर्ताले १०० इकाईदेखि अधिकतम ४० लाख इकाईसम्मका लागि आवेदन दिन सक्नेछन् ।
इच्छुक लगानीकर्ताले धितोपत्र बोर्डबाट आश्वा अनुमति लिएका सम्पूर्ण बैंक तथा वित्तीय संस्था तथा मेरो शेयर एप्स वा वेबसाइटबाट आवेदन दिन सक्नेछन् ।
