दशैं-तिहारको मुखमै चिनिया नाका नखुल्ने, नेपाली बजारमा महङ्गी र कालो बजारको सम्भावना बढ्यो
काठमाडौँ । नेपालीहरूका लागि विशेष महत्त्वको चाडपर्व दशैं र तिहारको मुखमा चिनको नाका बन्द भएको छ । चिनको ७५ औं स्थापना दिवसको अवसरमा सुरक्षा कारणहरूले गर्दा नाका बन्द गरिएको हो ।
अब चिनिया नाफा सात दिनसम्म बन्द हुनेछ । यस नाकाबन्दीको प्रभावले नेपाली बजारमा महङ्गीको वृद्धि, व्यापारमा चुनौती र कालो बजारको सम्भावना बढाएको छ ।
चिनबाट नेपालमा विभिन्न प्रकारका सामानहरूको आयात हुने गर्दछ, जसमा इलेक्ट्रोनिक्स उपकरण, कपडा वस्त्र, औद्योगिक उपकरण र खाद्य पदार्थहरू प्रमुख छन् । यो चाडपर्वको समयमा चिनबाट आयात हुने सामानहरूमा विशेष रूपमा मोबाइल फोन, टिभी, मेसिनरी, चिनी, चियापत्ति र स्वास्थ्य सम्वन्धी सामग्रीहरू पर्छन् । यी सामानहरू नेपाली बजारको आधारभूत आवश्यकतामा पर्दछन् र चाडपर्वका समयमा ग्राहकहरूको उच्च माग हुने गर्दछ ।
चिनबाट आयात हुने सामानको कमीले मूल्य वृद्धि गर्ने निश्चितता रहेको छ यसले उपभोक्ताहरूको बजेटमा असर गर्नेछ । मुखमा नाका बन्द हुँदा स्थानीय व्यापारीहरूमा व्यापार नहुने चिन्ता बढेको छ । यो समयमा आम्दानीको उच्च अपेक्षा हुने गर्दछन्, तर नाका बन्द हुँदा सामानको पहुँचमा अवरोध आउनु व्यापारको लागि चुनौती बनिरहेको छ ।
नाका बन्द हुँदा सामानको पहुँच सीमित हुँदा कालो बजारको वृद्धि हुने संभावना बढेको छ । व्यापारीहरू र उपभोक्ताहरूलाई वैकल्पिक मार्गबाट सामान उपलब्ध गराउनका लागि कालो बजारको प्रयोग गर्न बाध्य हुनेछन्, जसले गर्दा मूल्य वृद्धि र गुणस्तरमा कमी आउने सम्भावना रहन्छ ।
चिनमा १ अक्टोबरदेखि ७ अक्टोबरसम्म स्थापना दिवसको चाड मनाइन्छ । यस समयमा चिनियाँ जनताले विभिन्न समारोहहरूमा भाग लिन्छन्, जसका लागि पेकिङको तियानमेन स्क्वायर र अन्य प्रमुख स्थानहरूमा कार्यक्रम आयोजना गरिन्छ । यो समयमा चीनका व्यवसाय र बैंकहरू पनि बन्द हुने गर्दछन्, जसले चीनमा आर्थिक गतिविधि थाम्नेछ । सुरक्षा कारणहरूले गर्दा सडकहरूको बन्दी र मेट्रो स्टेशनहरूको बन्दी हुनेछ। यसले चिनमा चाँडै हुने यात्रामा अवरोध उत्पन्न गर्नेछ।
