वर्षाका कारण त्रिभुवन अन्तर्राष्ट्रिय विमानस्थल भद्रगोल
काठमाडौँ । खराब मौसमका कारण हवाई उडान प्रभावित भएको छ। त्रिभुवन अन्तरराष्ट्रिय विमानस्थलबाट हुने आन्तरिक उडानहरू प्रतिकूल मौसमका कारण ठप्प भएका हुन्।
काठमाडौँको आकाशमा थाई एयरवेजको जहाजलगायतका जहाज अवतरण हुन नसकेर घुमि रहेका छन् ।
यता, आन्तरिक उडान अवरोध हुँदा विमान स्थलमा भिडभाड बढेको छ । खराब मौसमकै कारण पोखरा, सुर्खेत, भरतपुर, भद्रपुर, विराटनगर, तुम्लिङटार सहितका विमानस्थलबाट हुने उडान शुक्रबार सबै ठप्प छन् । उडान रद्द हुँदा यात्रुहरूले शास्ती खेप्नुपरेको छ । यद्धपी भैरहवा, सिमरा, नेपालगञ्ज, जनकपुर र धनगढीका लागि केहि विमान उडेका छन् ।
