नेपाल प्रहरीले असई र इन्स्पेक्टरमा खुलायो नयाँ भर्ना (सूचना सहित)
काठमाडौं । नेपाल प्रहरीले प्रहरी सहायक निरीक्षक (असई) र प्रहरी निरीक्षक (इन्स्पेक्टर) मा नयाँ भर्ना खुलाएको छ । असईतर्फ २५६ जना र इन्स्पेक्टरतर्फ ६४ जनाबाट दरखास्त आह्वान गरिएको छ ।
प्रमाणपत्र तह वा सो सरहको परीक्षा उत्तीर्ण गरेको र १८ वर्ष उमेर पूरा भई २४ वर्ष ननाघेकाले असईमा आवेदन दिन पाउँछन् । त्यस्तै स्नातक तह वा सो सरहको परीक्षा उत्तीर्ण गरेको र २० वर्ष उमेर पूरा भई २५ वर्ष ननाघेकाले इन्स्पेक्टरमा आवेदन दिन पाउँछन् ।
दरखास्त आवेदन भदौ ३० गतेदेखि असोज ३० गतेसम्म दिन सकिनेछ ।
